Спикерлер мен қатысушылар

1980 жылы Алматы қаласында туған.

2001 жылы Қазақ мемлекеттік заң академиясын «заңгер» мамандығы бойынша бітірген.

Еңбек жолын 2002 жылы Алматы қаласы Әділет басқармасында бөлімнің бас маманы болып бастаған.

2005–2006 жылдары — Қазақстан Республикасы Премьер-Министрі Кеңсесінің Заң бөлімінің сарапшысы, бас сарапшысы.

2006–2009 жылдары — Қазақстан Республикасы Президенті Әкімшілігінде жұмыс істеген.

2009–2012 жылдары — Қазақстан Республикасы Әділет министрлігінің Тіркеу қызметі және заң көмегі комитеті төрағасының орынбасары.

2012–2014 жылдары — Қазақстан Республикасының Экономикалық және сыбайлас жемқорлық қылмыстарымен күрес агенттігінің (қаржы полициясының) орталық аппаратында департамент басшысы.

2015–2016 жылдары — Астана қаласы әкімі аппаратының басшысы, Қазақстан Республикасы Президенті Әкімшілігі Басшысының хатшылығының меңгерушісі.

2016–2017 жылдары — Астана қаласы бойынша Сыбайлас жемқорлыққа қарсы іс-қимыл ұлттық бюросы (Сыбайлас жемқорлыққа қарсы қызмет) департаментінің басшысы.

2017–2018 жылдары — Ақмола облысы әкімінің орынбасары.

2018–2019 жылдары — Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының орынбасары.

2019–2022 жылдары — Қазақстан Республикасы Сыбайлас жемқорлыққа қарсы іс-қимыл агенттігі төрағасының бірінші орынбасары.

2022 жылғы ақпаннан 2023 жылғы сәуірге дейін — Қазақстан Республикасы Сыбайлас жемқорлыққа қарсы іс-қимыл агенттігінің төрағасы.

2023 жылғы 3 сәуірде Мемлекет басшысының Жарлығымен Қазақстан Республикасы Президенті Әкімшілігінің Басшысы болып тағайындалды.

2024 жылғы 6 ақпанда Қазақстан Республикасы Президентінің Жарлығымен Қазақстан Республикасының Премьер-Министрі болып тағайындалды.

«Айбын» ІІ дәрежелі (2014 ж.), «Даңқ» ІІ дәрежелі (2021 ж.) ордендерімен наградталған.

Туған күні мен жері: 16.09.1967, Генуя, Италия

Білімі: Маттео INSEAD университетінің MBA дәрежесіне және Генуя университетінің машина жасау мамандығы бойынша магистр дәрежесіне ие.

Жұмыс тәжірибесі:

Маттео - Банктік операциялар жөніндегі вице-президент. Патроне мырза өз рөлінде ЕҚДБ жұмыс істейтін елдерде Банктің инвестициялық және консультативтік қызметін тиімді жүзеге асыруға, сондай-ақ саясатты жүзеге асыру жөніндегі іс-шараларға қатысуға толық жауапты.
Бұған дейін Маттео Шығыс Еуропа және Кавказ бойынша Басқарушы директор қызметін атқарған. Осы рөлде ол Банктің Армения, Әзірбайжан, Грузия, Молдовадағы операциялары мен саяси ынтымақтастық бастамаларына жауапты болды және Украинадағы дағдарысқа қарсы әрекетті басқарды.
Патроне мырзаның мансабы 30 жылды түрлі қызметтерді, оның ішінде сауда-саттық банкингінде, жеке капиталда, менеджмент бойынша консалтинг және инжиниринг саласындағы жоғары лауазымдарды қамтиды. Ол 2008 жылы ЕҚДБ-ға Корпоративтік капитал тобында Аға банкир ретінде қосылды. 2012 жылы ол Белградта орналасқан Сербия бойынша Директор болып тағайындалды, ал 2015 жылы Бухарестке Директор, Румыния және Болгария бойынша Аймақтық басшы болып ауысты. 2018 жылы Маттео Патроне ЕЭК басқарушы директоры болып тағайындалды.
ЕҚДБ-ге келгенге дейін Маттео итальяндық Finanziaria Internazionale сауда банкінің жеке капитал бөлімшесінің Басқарушы директоры болды, онда ол 10 жыл бойы көптеген секторларға инвестиция жасады.
Бұған дейін ол Миландағы (Италия) Accenture Strategic Services компаниясында Аға менеджері болды және Ұлыбритания мен Италиядағы Леонардо (бұрын Finmeccanica ретінде белгілі) және ENI топтарында әртүрлі лауазымдарды атқарды.

Е. Бөкетов атындағы Қарағанды мемлекеттік университетін бітірген.

Еңбек жолын Теміртау қаласы әкімі аппаратының жетекші маманы болып бастаған.

2002–2003 жылдары ҚР Сыртқы істер министрлігінің атташесі, Инвестициялар комитетінің атташесі болып қызмет атқарды.

2003–2006 жылдары — Қазақстан Республикасының Ресей Федерациясындағы Елшілігінің атташесі, үшінші хатшысы.

2006 жылдан — 2007 жыл аралығы ҚР Көлік және коммуникация министрлігі Көлік саясаты және халықаралық ынтымақтастық департаментінің бөлім бастығы, директордың орынбасары.

2007–2009 жылдары — «Ақтау халықаралық теңіз сауда порты» РМК басшысының орынбасары, аппарат басшысы.

2009 жылы ҚР Көлік және коммуникация министрлігінің Әкімшілік жұмыс, мемлекеттік жұмыс, мемлекеттік сатып алу департаменті директорының орынбасары, ҚР Премьер-министрі орынбасарының кеңесшісі болған.

2009–2010 жылдары — Қарағанды қаласы Қазыбек би атындағы аудан әкімінің орынбасары.

2010–2011 — жылдары Қарағанды облысы әкімінің кеңесшісі.

2011–2013 — жылдары Қарағанды облысы Шахтинск қаласының әкімі.

2013–2014 — жылдары Астана қаласы әкімінің орынбасары.

2014–2016 — жылдары «Астана» ӘКК» АҚ Басқарма төрағасы.

2016–2020 жылдары — «Новострой Астана» ЖШС директорының стратегиялық даму жөніндегі орынбасары.

2021 жылдың сәуірінен бастап «ҚТЖ» ҰК» АҚ қамтамасыз ету жөніндегі басқарушы директоры болып жұмыс істеген.

2025 жылы 28 ақпанда Мемлекет басшысының Жарлығымен ҚР өнеркәсіп және құрылыс министрі болып тағайындалды.

1983 жылғы 14 қарашада Атырау қаласында туған.

2006 жылы Томск мемлекеттік университетін «Қаржы және несие», сондай-ақ «Лингвистика және мәдениетаралық коммуникация» мамандықтары бойынша бітірген. 2010 жылы «Болашақ» халықаралық бағдарламасы аясында Мичиган университетінде қолданбалы экономика магистрі дәрежесін алған.

Еңбек жолын 2005 жылы Қазақстан Республикасының Экономика және бюджеттік жоспарлау министрлігінің Ішкі әкімшілік департаменті мен Халықаралық қатынастар департаментінің жетекші маманы ретінде бастаған. 2006–2010 жылдары Экономика және бюджеттік жоспарлау министрлігінің және Экономикалық даму және сауда министрлігінің Инвестициялық саясат және жоспарлау департаментінде сарапшы, бас сарапшы қызметтерін атқарған.

2010 жылдан бастап Экономикалық даму және сауда министрлігінің Стратегиялық жоспарлау және талдау департаментінің стратегиялық әзірлемелер басқармасының бастығы және Қаржы министрлігінің Бюджеттік саясат және жоспарлау департаменті директорының орынбасары лауазымдарын атқарған.

2013 жылғы ақпанда Қазақстан Республикасының Индустрия және жаңа технологиялар министрлігінің Геология және жер қойнауын пайдалану комитеті төрағасының орынбасары болып тағайындалды. 2013 жылғы маусымнан 2019 жылғы сәуірге дейін Қазақстан Республикасы Президенті Әкімшілігінің Стратегиялық әзірлемелер және талдау орталығы меңгерушісінің орынбасары, сондай-ақ Әлеуметтік-экономикалық мониторинг бөлімі меңгерушісінің орынбасары қызметтерін атқарған.

2019 жылғы сәуірден 2021 жылғы ақпанға дейін Қазақстан Республикасы Тұңғыш Президенті Кеңсесінің Аналитикалық бөлім меңгерушісінің орынбасары болды.

2021 жылғы ақпанда Ұлттық экономика вице-министрі болып тағайындалды, ал 2022 жылғы қаңтардан 2024 жылғы ақпанға дейін Қазақстан Республикасының Ұлттық экономика министрі лауазымын атқарды.

Басқа лауазымдары:
– «Самұрық-Қазына» ұлттық әл-ауқат қоры» АҚ Директорлар кеңесінің мүшесі (11.01.2022 – 06.02.2024);
– «Бәйтерек» ҰБХ» АҚ Директорлар кеңесінің мүшесі (04.02.2022 – 06.02.2024);
– «Астана» халықаралық қаржы орталығының басқару кеңесінің мүшесі (11.01.2022 – 06.02.2024);
– «KAZAKH INVEST» ұлттық компаниясы» АҚ Директорлар кеңесінің мүшесі (11.01.2022 – 06.02.2024);
– «Экономикалық зерттеулер институты (ERI)» Директорлар кеңесінің төрағасы (11.01.2022 – 06.02.2024).

2024 жылғы сәуір айында Қазақстан Республикасының Сыртқы істер вице-министрі болып тағайындалғанға дейін «KAZENERGY» қауымдастығының бас директоры қызметін атқарды.

Ағылшын, испан және неміс тілдерін еркін меңгерген.

Али Аслан — әлемге танымал тележүргізуші, модератор және журналист. Оның халықаралық мансабы 20 жылдан астам уақытты қамтиды, соның ішінде CNN (Вашингтон), ABC News (Нью-Йорк) және Deutsche Welle TV (Берлин) арналарының құрамында жұмыс істеген.

Ол жоғары деңгейдегі халықаралық іс-шаралардың жетекші модераторларының бірі ретінде танылған және БҰҰ, «Үлкен жиырмалық» (G20), Еуропалық одақ, НАТО және Дүниежүзілік банк сияқты ұйымдар ұйымдастыратын жаһандық конференцияларды үнемі жүргізіп келеді.

Аслан әлемнің көптеген көшбасшыларынан сұхбат алған, олардың қатарында АҚШ-тың бұрынғы президенті Билл Клинтон, Франция президенті Эммануэль Макрон, Германияның федералдық канцлері Олаф Шольц, Түркия президенті Режеп Тайип Ердоған, Еуропалық комиссия төрағасы Урсула фон дер Ляйен және БҰҰ Бас хатшысы Антониу Гутерриш бар.

Али Аслан Колумбия университетінен халықаралық қатынастар және журналистика саласы бойынша магистр дәрежесін, сондай-ақ Джорджтаун университетінің Дипломатиялық қызмет мектебінен бакалавр дәрежесін алған.

Давид Манзини Экс-ан-Прованс әскери лицейінде білім алып, «Жоғары басқару институты» (ISG) бизнес-мектебін тәмамдаған. Ағылшын, француз және орыс тілдерін меңгерген.

2020 жылдың желтоқсанынан бастап PepsiCo компаниясының Ресей, Беларусь, Кавказ және Орталық Азия өңірі бойынша Президенті қызметін атқарып келеді.

2013–2020 жылдары Ұлыбританияда, Қытайда және ТМД елдерінде Mars компаниясын басқарған, ал 2011–2013 жылдары — Danone компаниясының Орталық Азия мен Кавказдағы Бас менеджері қызметін атқарған.

2004–2011 жылдары Unilever компаниясының маркетинг саласындағы басқарушылық қызметтерін атқарды. Кәсіби мансабын 1995 жылы Mars компаниясында аймақтық сату менеджері ретінде бастап, кейін клиенттермен жұмыс жөніндегі директор лауазымына дейін көтерілді.

Ренат Бектұров мырза 2023 жылдың қаңтар айында «Астана» халықаралық қаржы орталығының (AIFC) басқарушысы лауазымына тағайындалды. Бұған дейін ол «Астана» халықаралық биржасында (AIX), Қазақстан Республикасы Ұлттық банкінің Ұлттық инвестициялық корпорациясында және Қазақстанның Даму банкінде басшылық қызметтер атқарған.

Оның қаржы саласында 16 жылдан астам тәжірибесі бар және ол ТМД аймағындағы алғашқы сукук шығарылымы секілді қарыз капиталы нарығындағы бірқатар маңызды мәмілелерге қатысқан.

Ренат Бектұров Ұлыбританияның Лестер университетін үздік бітіріп, «Банк ісі және қаржы» мамандығы бойынша магистр (MSc) дәрежесіне ие және CFA кәсіби сертификатының иегері.

2002 жылы Қазақ мемлекеттік заң университетін, 2007 жылы Қазақстан-Ресей университетін және Бирмингем университетін бітірген.

Еңбек жолын 1999 жылы «Еуразия Консалтинг» ЖШС-де заңгердің көмекшісі ретінде бастаған. 2002–2010 жылдары Қазақстан Республикасы Парламенті Сенатында және Президенттің Парламенттегі Өкілдігінде түрлі лауазымдарда жұмыс істеді. 2010–2019 жылдары Екібастұз қаласы мен Батыс Қазақстан облысы әкімдерінің орынбасары, сондай-ақ Қазақстан Республикасының Білім және ғылым министрлігінде басшылық қызметтер атқарды.

2019 жылы «Nur Otan» партиясының хатшысы болды. 2019–2020 жылдары Қазақстан Республикасының Ақпарат және қоғамдық даму вице-министрі қызметін атқарды, ал 2021–2024 жылдары Қазақстан Республикасы Президенті Әкімшілігінің Мемлекеттік бақылау және ұйымдастыру-аумақтық жұмыс бөлімінде мемлекеттік инспектор, меңгеруші орынбасары және бөлім меңгерушісі болып қызмет етті. 2023–2024 жылдары Қазақстан Республикасы Үкіметі Аппараты басшысының бірінші орынбасары лауазымын атқарды.

Қазақстан Республикасының Сыртқы істер министрлігі Инвестициялар комитетінің төрағасы болып тағайындалғанға дейін Қазақстан Республикасының Премьер-Министрінің кеңесшісі болды.

Александр Люфт – халықаралық өнеркәсіптік және инвестициялық жобаларды басқару саласында үлкен тәжірибесі бар білікті басшы. 2016 жылдан бастап ол Stadler CIS AG (Швейцария) компаниясының бас директоры қызметін атқарып, компанияның ТМД елдеріндегі қызметі мен бизнесінің дамуын басқарып келеді. 2022 жылдан бері ол Stadler Kazakhstan компаниясының Бақылау кеңесінің мүшесі болып табылады және Қазақстанда теміржол жылжымалы құрамын жергіліктендіру жобаларын іске асыруға белсенді атсалысуда.

Сонымен қатар, Александр Люфт Medeo Investment AG (Швейцария) компаниясының президенті болып табылады. Бұған дейін ол Netwise Solutions Holding AG компаниясының бас директоры лауазымында болып, инновациялық IT және инвестициялық шешімдер саласындағы компанияның дамуын басқарған.

Кәсіби қызметін ол Германияда бастаған, онда Kolwe und Knoff GmbH және JRS GmbH компанияларында сату жөніндегі менеджер болып жұмыс істеген. Кейін Швейцарияда Helveticorp GmbH компаниясында инвестициялар жөніндегі менеджер қызметін атқарған.

Александр Люфт Мәскеу мемлекеттік университеті мен Технология, экономика және мәдениет жоғары мектебін (HTWK, Лейпциг, Германия) тәмамдап, менеджмент мамандығы бойынша диплом иегері.

Туған күні: Мамыр 1955 ж. 

Білімі: Бакалавр;

• Цилу Политехникалық университетінің өнеркәсіптік ашыту мамандығы (1982 ж.);

Еңбек қызметі:

1982 – 1984 жж. - Цзюйнань уезіндегі шарап зауытында техникалық маман;

1984 – 1985 жж. - Цзюйнань уезіндегі шарап зауытының директор орынбасары;

1985 – 1996 жж. - Цзюйнань уезіндегі шарап зауытының директоры;

1996 – 1999 жж. - Shandong Furui Group компаниясының бас директоры және директорлар кеңесінің төрағасы;

1999 жылдың маусымынан бастап қазіргі уақытқа дейін - Fufeng Group компаниясының директорлар кеңесінің төрағасы.

Білім: Империялық колледждің Лондондағы химиялық инженерия және химиялық технология факультетінің «Химиялық инженер-технолог» мамандығы бойынша инженерлік ғылымдар магистрі; Ұлыбританияның Кембридж қаласындағы MPW колледжінде орта білімнің екінші деңгейі (A Level) туралы сертификат.

Өз еңбек жолын Атырау мұнай өңдеу зауытында, «North Caspian Petroleum Ltd.» компаниясында жұмыс істеуден бастады. Кейін «Тенгизшевройл» ЖШС-не үшінші категориялы инженер-технолог лауазымына қабылданды. Мұнайхимия саласында «Kazakhstan Petrochemical Industries Inc.», «Ұйымдастырылған химиялық компаниясы» және «ОХК Инжиниринг» сынды компанияларда жұмыс істей отырып, жинақталған елеулі тәжірибесі бар, сонымен қатар ірі EPC және девелоперлік жобаларда консультант ретінде қызмет атқарды. 2014 жылдың мамырында «DARYN Partners» ЖШС-нің бас директоры лауазымына тағайындалды. 2021-2022 жылдар аралығында Румынияда Rompetrol (KMG International) компаниясында өндіріс жөніндегі директордың кеңесшісі және Rominserv басқарушы менеджері болып жұмыс істеді. 2015 жылдан бері Құрық портында орналасқан «Саржа» көпфункционалды теңіз терминалы жобасын дамыту бойынша жұмыстар атқаруда, 2019 жылдан бастап «SEMURG INVEST» ЖШС-нің бас директоры лауазымына тағайындалды. Логистика және инвестициялық жобаларды құру мен басқаруда мол тәжірибеге ие.

Білімі:
Машина жасау саласында бакалавр дәрежесі және іскерлік әкімшілендіру магистрі дәрежесі

Еңбек өтілі:
2024 жылғы қыркүйектен бастап – Alstom Kazakhstan компаниясының Батыс және Орталық Азия бойынша басқарушы директоры
2023 – 2024 жылғы қыркүйек – Upsilink компаниясының директоры (Франция)
2017 – 2022 – TMH AFRICA компаниясының бас атқарушы директоры
2015 – 2017 – General Electric компаниясының Оңтүстік Африкадағы бизнес дамыту директоры
2011 – 2015 – Alstom компаниясының Оңтүстік Африкадағы президенті
2009 – 2011 – Alstom компаниясының Ливиядағы президенті
2007 – 2008 – Alcatel компаниясының Тунистегі бас атқарушы директоры
1997 – 2006 – Alcatel компаниясының Алжир, Иран, Катар және Франциядағы жаһандық келісімшарттар жөніндегі менеджері

Өмірбаян:
Жером Бойе – Alstom компаниясының Батыс және Орталық Азия бойынша басқарушы директоры. Ол инфрақұрылым және өнеркәсіптік жобалар саласында мол тәжірибеге ие. Жером ынтымақтастықты дамытуға, клиенттермен қарым-қатынасты нығайтуға және кластердің тұрақты өсуін қамтамасыз етуге бағытталған. Оның көшбасшылығы Alstom компаниясын тұрақты мобильдік пен инновациялар саласындағы көшбасшы ретінде нығайтады.

Alstom компаниясына келгенге дейін Жером телекоммуникация, энергетика және теміржол технологиялары салаларында табысты жобалар құрды және дамытты. Ол Еуропа, Африка және Таяу Шығыс елдеріндегі мемлекеттік ұйымдар мен ірі өнеркәсіптік кәсіпорындардың тиімділігін арттыру мақсатында стратегиялық серіктестіктер арқылы бизнесті дамытты. General Electric (GE), Alstom және TMH сияқты беделді ұйымдарда жетекші лауазымдар атқарды.

Өз мансабы барысында Жером тәуекелдерді бағалау, клиенттермен жұмыс, тендерлер мен келісімшарттарды басқару, сондай-ақ жобаларды іске асыру және мониторинг жүргізу кезеңдерін басқарды. Оның тәжірибесі күрделі технологиялық және мәдени жағдайларда табысты жұмыс істеуге, тұрақсыз ортада да қаржылық нәтижелерге қол жеткізуге мүмкіндік береді.

Мұхтар Әуезов атындағы Оңтүстік Қазақстан университетін «халықаралық қатынастар», Қазтұтынуодағы Қарағанды университетін «экономика» мамандықтары бойынша бітірген.

«Болашақ» бағдарламасының түлегі. Лондон Корольдік колледжі (2014 ж.) мен Англия Бизнес мектебін аяқтап, (2019 ж.) мемлекеттік саясат және қызметтерді басқару, сондай-ақ іскерлік әкімшілендіру саласының магистрі атанған.

Мансап

Еңбек жолын 2003 жылы Шымкент қаласының еңбек және әлеуметтік қорғау басқармасының бас маманы ретінде бастаған.
2003-2004 жылдары ОҚО әкімі аппаратының Шаруашылық басқармасы филиалының директоры.
2004-2006 жылдары ҚР Ауыл шаруашылығы министрлігі Сыртқы байланыстар және инвестициялар бөлімінің бас маманы.
2006-2007 жылдары Қазақстан Республикасының Өзбекстан Республикасындағы Елшілігінің үшінші хатшысы.
2007-2010 жылдары ҚР Сыртқа істер министрлігі Мемлекеттік протокол қызметі Министрі Кеңсесінің екінші хатшысы.
2010-2016 жылдары ҚР Премьер-Министрі Кеңсесінің сыртқы байланыстар және протокол бөлімінің бас сарапшысы, сектор меңгерушісі.
2016-2017 жылдары «Самұрық-Қазына Инвест» ЖШС Халықаралық қатынастар департаментінің директоры.
2017-2018 жылдары «Самұрық-Қазына» АҚ Басқарма Төрағасы Хатшылығының басшысы.
2018-2019 жылдары ҚР Премьер-Министрі орынбасарының - Ауылшаруашылық министрінің кеңесшісі.
2018-2021 жылдары - БҰҰ ЕЭК трансшекаралық суағарлар мен халықаралық көлдерді қорғау және пайдалану жөніндегі Конвенция бюросының Төрағасы.
2019-2020 жылдары - Қазақстан Республикасы Сыртқы істер министрлігі Инвестиция комитеті Инвестициялық жобаларды сүйемелдеу және іске асыру басқармасының басшысы.
2020-2021 жылдары - ҚР Сыртқа істер министрлігі Инвестиция комитеті Төрағасының орынбасары.
2021 жылдың қыркүйек айынан бастап осы кезге дейін
Қазақстан Республикасы Сыртқы істер министрлігі Инвестиция комитетінің төрағасы, Қазақстан Республикасы Президентінің жанындағы Шетелдік инвесторлар кеңесінің мүшесі қызметін атқарып келді.
2024 жылдың 19 ақпанынан бастап Қызылорда облысы әкімінің орынбасары лауазымына тағайындалды.

Білімі:

1998 ж. — Карлсруэ университеті

1999 ж. — Гренобль технологиялық институты

Еңбек тәжірибесі:

2024 жылғы қыркүйектен бастап — Air Liquide тобының вице-президенті, Парсы шығанағы елдері ынтымақтастық кеңесі мен Қазақстан бойынша (Сауд Арабиясы)

2023–2024 жж. — E&C Americas компаниясының сату және технологиялар жөніндегі вице-президенті (АҚШ)

2022–2023 жж. — E&C Americas президенті және Air Liquide Global E&C Solutions US, Inc. бас атқарушы директоры (АҚШ)

2019–2022 жж. — «Эр Ликид Мунай Тех Газы» ЖШС бас директоры (Қазақстан)

2015–2019 жж. — Ірі өндірістер бойынша коммерциялық директор, Air Liquide Ресей (РФ)

2011–2015 жж. — Халықаралық жобалау және құрылыс, маркетинг және бәсекелестік барлау жөніндегі директор, Air Liquide (Франция)

2009–2011 жж. — Стратегиялық клиенттер BASF/BAYER бойынша халықаралық менеджер, Air Liquide (Франция)

2006–2009 жж. — Топтың қызметін операциялық бақылау жөніндегі менеджер, Air Liquide (Франция)

2004–2005 жж. — Активтерді сатып алу және іске асыру бойынша жауапты қызметкер, Air Liquide (Франция)

2003–2004 жж. — Активтерді сатып алу және іске асыру жобаларының менеджері / ірі өндірістер бойынша бизнес-бақылаушы, Air Liquide GmbH (Германия)

2001–2003 жж. — Ішкі аудитор, Air Liquide GmbH (Германия)

2000–2001 жж. — Логистика жөніндегі менеджер, Air Liquide GmbH (Германия)

Селман Алимоглу денсаулық сақтау және фармацевтикалық өнімдер өндіру саласында жиырма жылдан астам тәжірибесі бар түрік кәсіпкері және фармацевтика саласының сарапшысы.

1999 жылы ол Стамбул университетін бітіріп, фармацевтика бакалавры дәрежесін алды. Кәсіби қызметін 1999–2000 жылдары Элазиг қаласындағы мемлекеттік дәріханада фармацевт ретінде бастаған. Кейін 2000–2004 жылдары Стамбул қаласындағы мемлекеттік дәріханада фармацевт болып еңбек етті.

2004 жылы Селман Алимоглу фармацевтикалық және нутрицевтикалық өнімдерді өндіру және дистрибуциялау бағытында жұмыс істейтін Orzax компаниясының негізін қалап, сол уақыттан бері Басқарма Төрағасы қызметін атқарып келеді. Оның басшылығымен компания белсенді түрде дамып, Orzax бренді халықаралық деңгейге көтерілді.

Кәсіпкерлік қызметімен қатар, Селман Алимоглу қоғамдық бастамаларға да белсене қатысады. 1994 жылы ол Alimoğlu денсаулық сақтау және білім беру қорының негізін қалап, оның жұмысы медициналық білім беруді қолдауға және денсаулық сақтау саласындағы әлеуметтік жобаларды дамытуға бағытталған.

Мэтью Сейгерс энергетика және көлік саласындағы танымал сарапшы, посткеңестік кеңістіктегі мұнай-газ секторы бойынша жетекші маман. Ол энергетикалық ресурстарды тасымалдау, инфрақұрылымды дамыту және аймақтық экономикалық саясат мәселелерін қамтитын талдамалық және зерттеу қызметінде отыз жылдан астам тәжірибеге ие.

Ол АҚШ-тың Weber State University оқу орнын үздік бітіріп (бакалавр дәрежесі, magna cum laude), кейін The Ohio State University университетінде магистр (M.A.) және философия докторы (Ph.D.) дәрежелерін алған.

Мэтью Сейгерс кәсіби еңбек жолын Микронезия Федеративті Штаттарының экономикалық кеңесшісі ретінде бастаған. Кейін Weber State University және University of Virginia университеттерінде география пәнінен сабақ берді. Кейінірек АҚШ Санақ бюросының (US Census Bureau) кеңестік бөлімі жанындағы халықаралық зерттеу орталығын басқарып, аймақтың экономикалық және демографиялық көрсеткіштерін талдаумен айналысты.

Одан кейін Сейгерс PlanEcon компаниясында энергетикалық қызметтер жөніндегі директор қызметін атқарып, Еуразия мұнай-газ нарығына арналған зерттеулерді басқарды. 2010 жылдардан бастап ол S&P Global Commodity Insights құрылымындағы Russian and Caspian Energy Advisory Service бөлімін басқарып келеді. Бұл қызметінде ол Ресей, Қазақстан, Әзербайжан және Каспий өңіріндегі өзге елдер бойынша аналитикалық жұмысты үйлестіреді.

Мэтью Сейгерс бұрынғы Кеңес Одағы елдеріндегі энергетикалық ресурстарды тасымалдау, мұнай-газ инфрақұрылымы мен энергетикалық саясат бойынша жетекші сарапшы. Ол Eurasian Oil Export Outlook және Eurasian Gas Export Outlook сияқты көптеген зерттеулердің авторы және бірлескен авторы болып табылады. Оның жетекшілігімен Қазақстанның ұлттық энергетикалық есептері (2015, 2017 және 2019 жж.) дайындалған.

Сарапшы Дүниежүзілік банкпен және Халықаралық энергетикалық агенттікпен (IEA) белсенді ынтымақтастық орнатып, Ресей, Украина және Орталық Азия елдерінің энергетикасына арналған жобаларға қатысқан.

Мэтью Сейгерстің ғылыми және кәсіби қызығушылық салаларына Еуразияның мұнай-газ инфрақұрылымын дамыту, Ресейдің сұйытылған табиғи газ (СПГ) стратегиясы, мұнай саласындағы салық және экспорт саясаты, Қазақстанның газ нарығы, сондай-ақ өңірдегі мұнай өңдеу және құбыр жобаларының перспективалары кіреді.

Алиреза Мохаммад Рахими өнеркәсіптік өндіріс, басқару және халықаралық сату саласында жиырма жылдан астам тәжірибеге ие. Ол 2013 жылы Islamic Azad University университетінде өнеркәсіптік инженерия мамандығы бойынша философия докторы (Ph.D.) дәрежесін алды. Бұған дейін аталған университетте 2006–2007 жылдары магистратураны және 2001–2005 жылдары бакалавриатты «Өнеркәсіптік инженерия» мамандығы бойынша тәмамдаған.

Еңбек жолын 2004 жылы Ирандағы HEPCO (Heavy Equipment Production Co.) компаниясында өндірісті жоспарлау жөніндегі сарапшы ретінде бастаған. 2009–2011 жылдары Тегеранда орналасқан Iran Khodro Diesel компаниясында жоспарлау бөлімінің басшысы қызметін атқарды.

2011–2013 жылдары Ирандағы Pishgam зауытының директоры болды. Кейін Solico Group компаниясына қосылып, Ирактың Наджаф қаласындағы филиалды басқарды. 2014–2018 жылдары Ирактағы Solico Group компаниясының сату жөніндегі менеджері және филиал директоры лауазымдарын атқарды.

2018 жылдан бастап Алиреза Мохаммад Рахими Solico Group компаниясының ТМД елдері бойынша бас директоры және экспорт жөніндегі директоры қызметін атқарып келеді. Ол аймақтағы экспорттық операцияларды үйлестірумен және бизнесті дамыту мәселелерімен айналысады.

Шэньян ауыл шаруашылығы университетін бітірген.

2025 жылдан бастап Asia Golden Grain Holdings Ltd (AGG) компаниясының төрағасы қызметін атқарады.

2011 жылдан бері Dalian Hesheng Holding Group компаниясының төраға орынбасары болып табылады және жаппай тауарлар саудасы мен астықты терең өңдеу бағыттарына жауап береді.

Еңбек жолын 1992 жылы Тайваньның DaChan Great Wall Group тобында бастаған.

1992–2011 жылдары аталған топ құрамындағы Dalian DaChan және Liaoning DaChan компанияларында бөлім бастығы, менеджер, Қытай аймағы бойынша сатып алу жөніндегі бас менеджер және бас директор қызметтерін атқарған.

Білімі: М.В. Ломоносов атындағы Мәскеу мемлекеттік университеті, журналистика факультеті, «Журналистика бакалавры» дәрежесі.

KIA компаниясындағы еңбек жолы:

• 1997–2004 жж. — KD өндірісі департаменті;
• 2005–2009 жж. — Таяу Шығыс пен Африкадағы аймақтық штаб-пәтерде (Дубай) сату бөлімінің үйлестірушісі;
• 2012–2015 жж. — Азия-Тынық мұхиты аймақтық штаб-пәтерінде (Малайзия) сату бөлімінің үйлестірушісі;
• 2018–2021 жж. — Таяу Шығыс пен Африкадағы аймақтық штаб-пәтерде (Дубай) сату бөлімінің үйлестірушісі;
• 2022–2023 жж. — Бас кеңседе Азия-Тынық мұхиты аймағының жетекшісі;
• 2023 жылдан қазіргі уақытқа дейін — «KIA Qazaqstan» ЖШС Бас директоры.

Ли Чан Ук инвестициялар, технологиялар және жобаларды басқару саласында мол халықаралық тәжірибеге ие. Ол электрондық инженерия мамандығы бойынша бакалавр дәрежесін (I университеті), бизнес әкімшілігі мамандығы бойынша бакалавр дәрежесін (K университеті) және MBA дәрежесін (H бизнес мектебі) алған.

Ли Чан Ук өзінің кәсіби жолын Samsung Electronics компаниясында бастаған, онда дистрибуция және техникалық сату салаларын қадағалап, ең үздік қызметкер ретінде марапатталған. Кейінгі жылдары ол Dongyang Data System, HumanCom және Serim Interworks сияқты венчурлық және инвестициялық компанияларда басшылық лауазымдарды атқарып, Кореяда алғашқы интернет B2B платформаларын, Wi-Fi құрылғыларын және желілік камераларды іске асыратын инновациялық технологиялық жобаларды жүзеге асырған, сондай-ақ венчурлық қорларды және халықаралық M&A мәмілелерін басқарған.

2008 жылдан бері Ли Чан Ук KML Investment & Financing компаниясы арқылы халықаралық инвестициялық жобаларды басқарып, Азия, АҚШ және Еуропада инфрақұрылымдық және қонақүй жобаларын жүзеге асырып келеді. Ол сондай-ақ RETD Co., Ltd. компаниясының Бас атқарушы директоры болып табылады, мұнда маглев-тасымалдау жобаларын және халықаралық инфрақұрылымдық бастамаларды дамытуды жүзеге асырады. 2023 жылдан бері ол Қазақстанда инвестициялық жобаларды TRINITY INTERWORKS LLC арқылы іске асыруда.

Даниэль Эрнандес Roca компаниялар тобының Орталық Азиядағы жаңа стартап-жобасын дамытуға жауапты.

Ол Roca компаниялар тобында көп жылдық еңбек өтіліне ие. Бұған дейін ол Барселона қаласындағы Cosmic компаниясында басқарушы директор қызметін атқарып, бизнесті түрлендірудің ауқымды жобасын (2022–2025 жылдары) басқарған. Ол сондай-ақ он жылдан астам уақыт Roca Sanitario компаниясында басшылық лауазымдарда жұмыс істеп, бизнесті дамыту, негізгі клиенттермен жұмыс жүргізу және ірі еуропалық DIY форматындағы сауда желілерімен ынтымақтастықта топ брендтерінің қызметін кеңейтумен айналысты.

Даниэль Эрнандес халықаралық тәжірибеге ие, Roca Tile USA компаниясында жұмыс істеп, АҚШ-тағы еншілес компанияның пайдасы мен шығындарын басқарған және АҚШ пен Бразилиядағы басқа бизнес-бөлімшелердің қызметін үйлестірген. Сондай-ақ ол FMCG секторында кәсіби тәжірибе жинаған.

В. Мальцев 1995–2000 жылдары Қиыр Шығыс мемлекеттік университетінде «Макроэкономика» мамандығы бойынша жоғары білім алды. 2009–2011 жылдары Санкт-Петербург политехникалық университетінде (Жоғары экономика мектебі) оқып, MBA дәрежесін иеленді.

Кәсіби мансабын 1995 жылы Coca-Cola Hellenic Bottling Group компаниясында бастап, 2005 жылға дейін еңбек етті. 2005–2007 жылдары Nidan Juices компаниясының Орал өңірі бойынша сату жөніндегі өңірлік директоры қызметін атқарды.

2007–2015 жылдары Балтика компаниясының (Carlsberg Group құрамына кіреді) бас кеңсесінде жұмыс істеп, сырадан тыс брендтердің сатуын дамыту жөніндегі ұлттық менеджер болды. 2015–2017 жылдары Сібір және Қиыр Шығыс өңірлерінің операциялық логистикасы мен клиенттік сервистер дивизионын басқарды.

2017–2021 жылдары Carlsberg Azerbaijan компаниясының бас директоры қызметін атқарды.

2021 жылдан бастап бүгінгі күнге дейін Carlsberg Kazakhstan ЖШС президенті болып қызмет етеді.

Максим мұнай-газ саласында, жер қойнауын пайдалану және корпоративтік мәмілелер саласында мол тәжірибе мен терең білімге ие. 

Максимнің тәжірибесіне бірігу және жұтылу мәмілелері кезінде мемлекет тарапынан жер қойнауын пайдалану құқығын иеліктен шығару жөніндегі басым сатып алу құқығынан бас тарту рәсімдерін алу, жер қойнауын пайдаланушыларға қазақстандық қамту мәселелері бойынша кеңес беру, жер қойнауын пайдалану туралы шарттарға қосымша келісімдер жасау процесіне толық заңдық қолдау көрсету (соның ішінде барлау кезеңін ұзарту және қазақстандық қамтудың пайыздық үлестеріне қатысты мәселелер), сондай-ақ жер қойнауын пайдалану келісімшарттарына қатысты Due Diligence жүргізу кіреді.

Михеил Нибладзе шекаралық және дамушы нарықтарға бағытталған Cerberus инвестициялық платформасының басқарушы директоры. Ол Cerberus компаниясына 2018 жылы қосылды, сол кезде компания дамушы және шекаралық нарықтардағы инвестициялық қызметін стратегиялық кеңейту мақсатында SGI Frontier Capital компаниясын сатып алған болатын. 

Михеил Нибладзенің қаржы және энергетика салаларында жиырма жылдан астам тәжірибесі бар және ол Грузияның түрлі компанияларында басшылық қызметтер атқарған. 

SGI Frontier компаниясына 2014 жылы келгенге дейін ол әмбебап грузин банкі — JSC TbilUniversalBank-тың теңқұрушысы болған және кейіннен оның Бақылау кеңесінің құрамына енген. Бұған дейін ол Грузиядағы ең ірі шетелдік энергетикалық компаниялардың бірі — мұнай мен газды барлау және өндірумен айналысатын CanArgo Energy Corporation компаниясында басшылық және кеңесшілік қызметтер атқарды. CanArgo компаниясында ол елдегі өкіл және Басқару комитетінің мүшесі болған. 

Михеил Нибладзе Тбилиси мемлекеттік университетін тәмамдаған. Сонымен қатар ол Канададағы Оңтүстік-Альберта технологиялық институтында қаржы және бухгалтерлік есеп бойынша қосымша білім алған және Ұлыбританиядағы CWC Энергетика мектебінде Executive MBA дәрежесін иеленген.

Сүлеймен Демирел университетінің экономика бакалавры және іскерлік әкімшілік магистрі (MBA) дәрежесіне ие.

Өз еңбек жолын Deloitte, Темірбанк және Union Bancaire Privée компанияларында бастаған, онда аудит, қаржылық модельдеу және активтерді басқару саласында мол тәжірибе жинақтады.

Бірқатар басшылық лауазымдарды атқарған. ACF PIT Tech Garden компаниясының бас директоры ретінде ол 100 миллион АҚШ долларынан асатын сомаға 200-ден астам индустриялық жобалардың жүзеге асырылуын үйлестірді. Бұған дейін ол «Шымкент» әлеуметтік-кәсіпкерлік корпорациясы» АҚ-ның басқарма төрағасы болып, ірі инвестициялық портфельді басқарды және шамамен 2 миллиард АҚШ доллары көлемінде инвестиция тартты.

Сондай-ақ ол «Астана» әлеуметтік-кәсіпкерлік корпорациясы» АҚ басқарма төрағасының орынбасары қызметін атқарып, мемлекеттік-жекеменшік әріптестік және инвестициялық бастамаларды дамыту бағыттарын қадағалады.

Абылай хан атындағы Қазақ халықаралық қатынастар және әлем тілдері университетін «Шетел тілдері» мамандығы бойынша жоғары білім дипломымен тәмамдаған, романо-герман филологиясы факультетінің түлегі. Исламдық қаржы және банкинг бойынша BIBF сертификатына ие. Сонымен қатар исламдық қаржылық жоспарлау, капиталды басқару және басқа да бағыттар бойынша кәсіби оқудан өткен.

Жұмыс тәжірибесі:
Ол 2018 жылы АХҚО командасына инвестициялық шешімдер департаментінің аға маманы ретінде қосылды. Кейін осы департаменттің директоры, сондай-ақ АХҚО-ның еншілес ұйымы — AIFC Business Connect Ltd. компаниясының бас директордың орынбасары қызметтерін атқарды. Бұл лауазымдарда қаржы орталығының әлеуетін ілгерілету, инвестициялық мәмілелерді құрылымдау және Орталық қатысушыларының қызметін сүйемелдеу бағыттарын үйлестірді.

2023 жылдың ақпан айынан 2025 жылдың маусымына дейін АХҚО Әкімшілігінде қаржы директоры және әкімшілік мәселелер жөніндегі жетекші лауазымдарын атқарды.

Бахтиярдың жобаларды басқару, тәуекел-менеджмент, бизнес-даму және стратегиялық жоспарлау салаларында 20 жылдан астам кәсіби тәжірибесі бар. Бұған дейін ол ForteBank, HSBC Банк Қазақстан, ABN Amro Банк Қазақстан (кейін — RBS Kazakhstan) және еліміздің өзге де қаржы институттарында жетекші қызметтер атқарып, қаржы секторындағы ұйымдық трансформация, жобалық басқару және тәуекелдерді басқару салаларында жоғары нәтижелерге қол жеткізген.

Кристофер Кэмпбелл-Холт OBE – Халықаралық төрелік орталығының (ХТО) тіркеушісі және аппарат басшысы. Ол ХТО-ның күнделікті қызметін басқаруға және төрелік істерді ұйымдастыруға жауапты, сондай-ақ ХТО Төрағасының тапсырмасы бойынша дауларды баламалы шешу рәсімдерін жүргізеді.

Ол АХҚО Соты мен ХТО-ның құрылуына жетекшілік еткен және АХҚО-ның бастапқы нормативтік-құқықтық базасын қарастырып, бекіткен АХҚО-ның Құқықтық кеңесші кеңесінің мүшесі болып табылады. Сонымен қатар ол АХҚО Сотының тіркеушісі, аппарат басшысы және сот шешімдерін орындау жөніндегі судья болып табылады.

Кристофер Кэмпбелл-Холт АХҚО Соты мен ХТО-ның құрылуына жетекшілік еткен. Ол АХҚО заңдарын қарастырып, бекітетін Құқықтық мәселелер жөніндегі консультативтік кеңестің мүшесі. Сонымен қатар ол Қазақстан Республикасының Президенті жанындағы Жоғары реформалар кеңесінің сот-құқықтық реформа жөніндегі жұмыс тобының мүшесі болып табылады.

Кристофер мырза Қазақстан Республикасының Жоғарғы Соты жанындағы халықаралық кеңестің мүшесі ретінде елдің сот жүйесін жетілдіру жөнінде ұсыныстар мен ұсынымдар әзірлеуге қатысады. Сондай-ақ ол АХҚО-дағы заңгерлік қызметті реттейтін АХҚО Заң қызметтері жөніндегі кеңесінің мүшесі.

Кристофер Кэмпбелл-Холт М.С. Нәрікбаев атындағы ҚазГЗУ университетінің құрметті профессоры, сондай-ақ АХҚО Құқық академиясының Академиялық кеңесі мен Консультативтік кеңесінің мүшесі болып табылады.

Ол Ұлыбританияда, АҚШ-та, Таяу Шығыста және Орталық Азияда жұмыс істей жүріп, халықаралық құқық саласында мол тәжірибе жинақтаған. Бұған дейін Катар халықаралық қаржы орталығының коммерциялық соты мен дауларды баламалы шешу орталығының тіркеушісі қызметін атқарған (Төрағасы Лорд Вулф).

Сондай-ақ ол Ұлыбританияның Лондон қаласындағы Norton Rose Fulbright халықаралық заң фирмасында және Катардың Доха қаласында орналасқан Covington & Burling LLP компаниясымен серіктес аймақтық заң фирмасында жұмыс істеген. Кристофер Кэмпбелл-Холт Таяу Шығыс, Орталық Азия, Шығыс Еуропа және Оңтүстік Америка елдерінде жалпы құқық және дауларды шешу институттарын дамыту мәселелері бойынша үкіметтер мен ұйымдарға кеңес берген.

Айнұр Жұматова 2017 жылы «Астана» халықаралық қаржы орталығының Әкімшілігі командасына қосылып, Экспат орталығының қалыптасуына алғашқы кезеңдерінен бастап белсенді атсалысты — тұжырымдамасын және құқықтық базасын әзірлеуден бастап, оны іске қосу мен одан әрі дамытуға дейін.

Стратегиялық жетістіктердің бірі – АХҚО экожүйесіне және елорда іскерлік инфрақұрылымына біріктірілген «бір терезе» қағидаты бойынша жұмыс істейтін көпфункционалды Экспат орталығын енгізу болды. Орталық шетелдік инвесторларға, жоғары білікті мамандар мен олардың отбасы мүшелеріне ағылшын тілінде кіру, болу, сүйемелдеу және бейімделу мәселелері бойынша толық қызметтер спектрін ұсынады. Бұдан бөлек, Экспат орталығы Қазақстанға адами және қаржылық капитал тартуға бағытталған АХҚО инвестициялық салық резиденттігі бағдарламасын жүзеге асырады.

Айнұр — халықаралық «Болашақ» стипендиялық бағдарламасының түлегі, Ұлыбританиядағы Queen’s University Belfast магистрлік бағдарламасын тәмамдаған. Сондай-ақ, халықаралық жоба менеджерлері қауымдастығының (Project Management Institute, PMI) мүшесі. Ол жобаларды басқару саласындағы халықаралық кәсіби сертификатқа (PMP), Дауларды тиімді шешу орталығының (CEDR) медиаторлық аккредитациясына және Мәскеу басқару мектебі «Сколково» жүзеге асыратын «Цифрлық трансформацияны басқарудағы стратегиялық көшбасшылық» бағдарламасы бойынша біліктілік сертификатына ие.

Айнұрдың кәсіби сараптамасы мемлекеттік процестерді трансформациялау мен халықаралық стандарттарға сай заманауи, клиентке бағдарланған шешімдерді құру арасындағы тиімді тепе-теңдікті қамтамасыз етуге мүмкіндік береді.

Абдулазиз Алобайдли – Абу-Дабидегі жаңартылатын энергия саласындағы Masdar компаниясының операциялық директоры. Ол жаңартылатын энергия көздері бойынша жобалар портфелін іске асыруды, басқаруды және пайдалануды қадағалайды, сондай-ақ компанияның инженерлік және жабдықтау бөлімдерінің қызметін басқарады.

2015–2018 жылдары ол Masdar компаниясының еншілес кәсіпорны – Shams Power Company компаниясының бас директоры қызметін атқарған.

2023 жылы Masdar компаниясына қайта оралғанға дейін Абдулазиз Алобайдли бес жыл бойы TAQA компаниясында жұмыс істеп, ел ішіндегі электр энергиясы мен тұщы су өндіру бағытын басқарды. Оның жетекшілігімен қуаты 22,4 гигаватт және тәулігіне 1120 миллион империялық галлон су өндіретін портфель бақыланды.

Абдулазиз Алобайдли энергетика және коммуналдық қызметтер саласында, соның ішінде жаңартылатын энергияда зор тәжірибеге ие және БАӘ мен шетелдегі бірнеше компаниялардың директорлар кеңесінің мүшесі болып табылады.

Өз еңбек жолында ол жаңартылатын энергия саласындағы бірқатар маңызды жобаларды жүзеге асыруға қатысқан, соның ішінде Shams 1 CSP, Noor Abu Dhabi PV және соңғы жылдардағы Al Dhafra PV жобалары бар.

Абдулазиз Алобайдли Ұлыбританиядағы Бат университетінен декарбонизация саясатына маманданған саясаттану және практика бойынша ғылым магистрі дәрежесін, Германиядағы Аахен техникалық университетінен электр станциялары технологиялары бойынша энергетикалық инженерия магистрі дәрежесін және БАӘ университетінен машина жасау саласындағы бакалавр дәрежесін алған.

2013 жылы ол БАӘ Энергетика саласындағы сыйлығының (Emirates Energy Award) лауреаты атанды және Шейх Зайед атындағы Тұрақты даму сыйлығының (Zayed Sustainability Prize) өтінімдерді қарау комитетінің мүшесі болған.

Таза энергия мен төмен көміртекті болашақ идеясына адал.

Цинхуа университетінің түлегі.

SEPMEM компаниясының негізін қалаушы және төрағасы.

Газ өнеркәсібінде 30 жылдан астам тәжірибесі бар.

Табиғи газдың құндылық тізбегі мен таза энергияны пайдалану саласының сарапшысы.

1988 жылы Амир Кабир университетінің электротехника факультетін бітірген.
Кәсіби мансабын 1987 жылдың ақпан айында Политехникалық университеттің зерттеу және сараптама бөлімінде бастаған.
1992 жылдың тамыз айынан бастап Fakoor Sanat Tehran Co. (FST) компаниясында зерттеу және жүйелер жөніндегі директор қызметін атқарды. Осы кезеңде өндірістік үдерістерді жетілдіруге және озық технологиялық шешімдерді енгізуге бағытталған кешенді ғылыми-техникалық жобалардың әзірленуі мен жүзеге асырылуына жетекшілік етті.

1995 жылдың қазан айынан бастап FST компаниясында коммерциялық директор және директорлар кеңесінің мүшесі қызметін жалғастырды, ал 2003 жылдың қараша айынан бастап компанияның басқарушы директоры болып табылады.

Оның басшылығымен FST компаниясы тау-кен өндіру және металлургия салаларында инновациялық технологияларды әзірлеу мен енгізу бойынша саланың жетекші кәсіпорындарының біріне айналды.

Қазіргі қызметіне дейін мырза Кумар АДБ-ның Шри-Ланкадағы өкілдігінде директордың орынбасары қызметін атқарып, сонымен қатар экономика, жоспарлау және білім бөліміне жетекшілік еткен. Бұған дейін ол АДБ-ның Маниладағы орталық кеңсесінде Экономикалық зерттеулер департаменті мен Оңтүстік Азия департаментінде экономист болып жұмыс істеген. Еңбек жолын АҚШ-тағы Conference Board ұйымында экономист ретінде бастаған.

Мырза Кумар АҚШ-тағы Мэриленд университетінде экономика саласы бойынша доктор және магистр дәрежелеріне, сондай-ақ Үндістандағы Дели университетінде экономика саласы бойынша магистр және бакалавр дәрежелеріне ие.

Кристина Visa компаниясының 17 елдегі операциялық қызметіне жетекшілік етеді және стратегиясын айқындайды: Оңтүстік-Шығыс Еуропа, Орталық Азия, Кавказ, Украина және Молдова елдерін қамтиды.

Осы қызметке дейін Кристина Visa компаниясының Орталық Азия және Әзербайжан бойынша аймақтық менеджері қызметін атқарды. Бұл лауазымда ол Visa компаниясының аталған нарықтардағы жалпы қызметін басқарды, стратегияны әзірлеу мен іске асыруға, бизнесті дамытуға, технологиялар мен инновацияларды енгізуге баса назар аударды.

Орталық Азияға ауысқанға дейін Кристина Кавказдағы Visa компаниясының аймақтық кластерін басқарған.

Оның бөлшек банкинг, ақпараттық технологиялар, инновациялар, төлем карталары және мобильді төлемдер саласында 20 жылдан астам тәжірибесі бар. Кристина Visa командасына 2016 жылы қосылып, компанияның негізгі карталық өнімдері (дебеттік, несиелік және премиум), адалдық бағдарламалары платформалары, цифрлық шешімдер және push-төлемдер үшін жауап беретін аймақтық өнімдер бөлімін басқарған.

Кристина Словениядағы IEDC-Bled School of Business бизнес-мектебінде экономика магистрі дәрежесін үздік бітірген.

Білімі:

2008 жылы и.М. Губкин атындағы Ресей мемлекеттік мұнай және газ университетін (Ресей Федерациясы, Мәскеу қ.) «Мұнай және газ геологиясы» мамандығы бойынша бітірген.

Жұмыс тәжірибесі:
27.11.2008 — 11.12.2013жж. — «Ембімұнайгаз» АҚ «Қайнармұнайгаз» ұңғымаларын зерттеу бойынша аға геолог, геолог және 4-разрядты оператор «Кенбай» МГӨЦ», Қызылқоға ауданы, Атырау облысы;
12.12.2013 — 22.09.2015жж- «Қайнармұнайгаз» МГӨБ «Ембімұнайгаз» АҚ Геология және кен орындарын игеру қызметінің басшысы және басшысының орынбасары, Қызылқоға ауданы, Атырау облысы;
23.09.2015 — 29.08.2017жж. — «ҚазМұнайГаз «Барлау Өндіру» АҚ Геология және кен орындарын игеру департаментінің жетекші инженері, Астана қаласы;
31.08.2017 — 11.04.2022жж. — «Орал Ойл энд Газ» ЖШС Геология және әзірлеу департаментінің директоры, Орал қаласы Батыс Қазақстан облысы;
13.04.2022-14.04.2022жж — Қазақстан Республикасы Экология, Геология және табиғи ресурстар министрлігі Геология комитеті төрағасының орынбасарының м.а., Астана қаласы;
15.04.2022 — 10.05.2023жж. — Қазақстан Республикасы Экология, Геология және табиғи ресурстар министрлігі Геология комитеті төрағасының орынбасары, Астана қаласы;
10.05.2023 — 24.07.2023 жылдары — Қазақстан Республикасы Индустрия және инфрақұрылымдық даму министрлігі Геология комитеті төрағасының орынбасары, Астана қаласы;
2023 жылғы 25 шілдеден бастап «Ұлттық геологиялық қызмет» АҚ Басқарма төрағасы.

Ухань мемлекеттік ғылым және технология университетін «Әкімшілік басқару» мамандығы бойынша бітірген.
2014–2019 жылдары Xinjiang Lihua Cotton Co., Ltd. компаниясында жоба бөлімінің басшысы, төрағаның көмекшісі және бас директордың орынбасары қызметтерін атқарды.

2019–2024 жылдары Xinjiang Lihua (Group) Co., Ltd. компаниясында бас директордың орынбасары лауазымында жұмыс істеді.

2024 жылдың наурыз айынан бастап K&K 86 Ltd. компаниясының бірінші басшысы болып табылады.
Қазіргі уақытта Қазақстан Республикасындағы «TҮРКІСТАН ТОҚЫМА» ЖШС компаниясын басқарады.

Эмрах Эрдэм тау-кен өндірісі саласында көпжылдық тәжірибесі бар, жобаларды басқару мен геологиялық барлау бағытында терең білімі бар маман.

Ол Түркияның Кайсери қаласындағы Эрджиес университетінде «Жер туралы ғылымдар» мамандығы бойынша магистратураны тәмамдаған.

Кәсіби қызметін 2005 жылы MMG Group компаниясында геолог ретінде бастаған, онда кен орындарын барлау жұмыстарымен айналысқан. 2009–2011 жылдары Avalon Mineral компаниясында жобалық геолог болып жұмыс істеді.

2011–2016 жылдар аралығында Kilazzi Holding компаниясында тау-кен дамыту департаментін басқарып, пайдалы қазбаларды өндіру жобаларын әзірлеу мен іске асыруды үйлестірді. 2016–2020 жылдары Avesoro Holding компаниясында жобалық геолог және тау-кен дамыту бағытының жетекшісі қызметтерін атқарды.

2020 жылы BHP Billiton және Centerra Gold компанияларымен ынтымақтаса отырып, жоба жетекшісі және пайдалы қазбаларды өндіру жөніндегі аға маман ретінде жұмыс істеді.

2020–2023 жылдары MTAIC компаниясының елдік менеджері қызметін атқарып, компанияның өңірлік қызметін дамытуға жауапты болды.

2023 жылдан бастап Эмрах Эрдэм MIRYILDIZ Kz Ltd. компаниясының бас директоры болып табылады және Қазақстанның тау-кен секторындағы компанияның стратегиялық дамуы мен инвестициялық жобаларын іске асыруды басқарады.

Тікелей инвестициялар және стратегиялық консалтинг саласындағы сарапшы, Қазақстан мен ТМД елдеріндегі жобалар мен мәмілелерді сүйемелдеу бойынша 30 жылдық тәжірибесі бар. Клиенттері – RIXOS, Henkel, ULKER, BASF, YDD Corporation, ZETA, Hyundai және Forbes Kazakhstan тізіміне енген салалық жетекші компаниялар.

Жекешелендіру кезеңінде жетекші өнеркәсіптік кәсіпорындардың мемлекеттік акциялар пакеттерін бағалау және кейіннен PwC компаниясының Қазақстандағы консалтингтік жобаларына қатысу арқылы кәсіби тұрғыда қалыптасты. «Халықаралық экономикалық қатынастар» мамандығы бойынша жоғары білім алған. АҚШ-тағы Иллинойс университетінің Урбана-Шампейн кампусында MBA курсын тәмамдаған. Нью-Йорктегі консалтингтік компанияларда және Корнелл университетінің менеджмент кафедрасында тағылымдамадан өткен. Дүниежүзілік банк тобына кіретін IFC ұйымының аккредиттелген сыртқы сарапшысы.

IGM компаниясының негізін қалаушы, ол 2015 және 2017 жылдары RAEX рейтинг агенттігінің нұсқасы бойынша Қазақстандағы стратегиялық консалтинг саласының көшбасшысы ретінде танылған. Кейінірек компания ғаламдық консалтингтік топ — IGM Advisers (igmadvisers.com) болып қайта құрылды. Орталық Азия елдерінде бизнес жүргізетін бірнеше инвестициялық топтардың инвестициялар жөніндегі кеңесшісі.

Forbes, Esquire және басқа да іскерлік басылымдарда мақалалары жарияланған. Қазақстанның ұлттық парктерін қолдау жөніндегі коммерциялық емес қоғамдық қорды (qnpf.org) басқара отырып, тұрақты туризмді дамытуға жеке үлес қосып келеді.

Қонратбаев А. кәсіби қызмет көрсету саласында 25 жылдан астам тәжірибесі бар. Ол түрлі салалар мен бағыттарда басшылық лауазымдар атқарып келеді. Өзінің мансабын ол Түркияның Ыстамбұл қаласында PwC компаниясында бастап, содан бері ақпараттық жүйелер мен тәуекелдерді басқару, қаржылық аудит және консалтингтік қызметтер саласында Қазақстан мен Еуразия аумағында бірнеше жетекші қызметтерді атқарды.

Сонымен қатар, ол өзінің мансабының айтарлықтай бөлігін General Electric компаниясында өткізіп, GE Kazakhstan-ның бас директоры қызметін атқарды және Әзербайжан мен Түрікменстандағы операцияларды іске қосуда маңызды рөл атқарды.

Қонратбаев А.  беделді кәсіби біліктіліктерге ие, соның ішінде Ұлыбританиядағы Білікті серіктестік бухгалтерлер қауымдастығының (ACCA) мүшесі болып табылады және Қазақстан Республикасының сертификатталған аудиторы. Қазіргі лауазымында ол PwC Қазақстан компаниясының стратегиялық бағытын айқындауда және қызметін басқаруда маңызды рөл атқарады. Ол компанияның аудит, консалтинг, салық, құқық және кадрлық шешімдер саласындағы кешенді қызметтерін үйлестіріп, клиенттерге тиімді әрі нәтижеге бағытталған шешімдерді ұсынуды қамтамасыз етеді.