Жаһандық инвестициялар жөніндегі қазақстандық дөңгелек үстел - 2024

1980 жылы Алматы қаласында дүниеге келген.

Қазақ мемлекеттік заң академиясын заңгер мамандығы бойынша бітірген (2001).

Еңбек жолын 2002 жылы Алматы қаласы Әділет басқармасы бөлімінің бас маманы ретінде бастаған.

2005-2006 жылдары — ҚР Премьер-Министрі Кеңсесінде заң бөлімінің сарапшысы, бас сарапшысы.  

2006-2009 жылдары ҚР Президентінің Әкімшілігінде қызмет істеді.

2009-2012 жылдары — ҚР Әділет министрлігінің Тіркеу қызметі және құқықтық көмек көрсету комитеті төрағасының орынбасары.

2012-2014 жылдары — ҚР Экономикалық қылмысқа жəне сыбайлас жемқорлыққа қарсы агенттігінің (қаржы полициясы) орталық аппаратында департамент бастығы.

2015-2016 жылдары — Астана қаласы әкімінің аппарат басшысы, ҚР Президенті Әкімшілігінің басшысы хатшылығының меңгерушісі.

2016-2017 жылдары — Сыбайлас жемқорлыққа қарсы іс-қимыл ұлттық бюросының (Сыбайлас жемқорлыққа қарсы қызмет) Астана қаласы бойынша департаменті басшысы.

2017-2018 жылдары — Ақмола облысы әкімінің орынбасары.

2018-2019 жылдары — ҚР Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының орынбасары.

2019-2022 жылдары — ҚР Сыбайлас жемқорлыққа қарсы іс-қимыл агенттігі төрағасының бірінші орынбасары.

2022 жылдың ақпанынан 2023 жылдың сәуіріне дейін — Қазақстан Республикасының Сыбайлас жемқорлыққа қарсы іс-қимыл агенттігінің төрағасы.

2023 жылдың 3 сәуірінде Мемлекет басшысының Жарлығымен Қазақстан Республикасы Президенті Әкімшілігінің басшысы болып тағайындалды.

2024 жылғы 6 ақпанда ҚР Президентінің Жарлығымен Қазақстан Республикасының Премьер-Министрі болып тағайындалды.

ІІ дәрежелі «Айбын» (2014) және «Даңқ» (2021) ордендерімен наградталған.

1981 жылы Ресей Федерациясында туған. Саратов әлеуметтік-экономикалық университетін, Крэнфилд менеджмент мектебін (Ұлыбритания) бітірген. Мамандығы бойынша экономист, қаржы және басқару магистрі.

Еңбек жолын 2003 жылы Ресей Федерациясының Петрокоммерц банкінің Клиенттерді басқару басқармасының менеджері болып бастаған. 2006-2008 жылдары «Сити» инвестициялық банкінің Лондон (Ұлыбритания), Прага қалаларындағы (Чехия) Қаржы департаментінде маман болып жұмыс істеген. 2008-2014 жылдары «Сити» инвестициялық банкінің (Ұлыбритания) нарықтағы акциялар жұмысы жөніндегі өңірлік дивизионының аға талдаушысы, вице-президентінің көмекшісі, вице-президенті болған. 2014-2015 жылдар аралығында Ұлыбританияның «Сити» инвестициялық банкінің Еуропа, Таяу Шығыс және Африка бойынша Стратегиялық жоспарлау және талдау өңірлік тобының вице-президенті лауазымын атқарған. 2015-2017 жылдары Қазақстанның Ситибанкінде бас қаржы директоры, басқарма төрағасының орынбасары, аға вице-президенті болған. 2017-2020 жылдар аралығында Ресей Федерациясының «Сити» инвестициялық банкінің Ресей, Украина және Қазақстан бойынша бас қаржы директоры, аға вице-президенті болып жұмыс істеген. 2020 жылы «Сити» инвестициялық банкінің (БАӘ) Африка, Таяу Шығыс пен Шығыс Еуропаның дамушы нарықтарындағы стратегия, жоспарлау және талдау жөніндегі өңірлік директоры лауазымына тағайындалған.

2022 жылғы ақпаннан бастап «Бәйтерек» ұлттық басқарушы холдингі» акционерлік қоғамының Басқарма төрағасы қызметін атқарған.

2023 жылдың 4 кыркүйегінен бастап Қазақстан Республикасы Өнеркәсіп және құрылыс министрі болып тағайындалды.

2002 жылы Қазақ мемлекеттік заң университетін, 2007 жылы Қазақстан-Ресей университетін және Бирмингем университетін бітірген.

Еңбек жолын 1999 жылы «Евразия Консалтинг» ЖШС-де заңгер көмекшісі ретінде бастаған. 2002-2010 жылдары ҚР Парламенті Сенатында және ҚР Президентінің Парламенттегі Өкілдігінде әртүрлі қызметтер атқарған. 2010-2019 жылдары Екібастұз қаласы мен Батыс Қазақстан облысы әкімінің орынбасары, сондай-ақ ҚР Білім және ғылым министрлігінде басшылық қызметтерде жұмыс істеген.

2019 жылы «NurOtan» партиясының хатшысы болған. 2019-2020 жылдары ҚР Ақпарат және қоғамдық даму вице-министрі, 2021-2024 жылдары Мемлекеттік инспектор, ҚР Президенті Әкімшілігінің Мемлекеттік бақылау және аумақтық-ұйымдастыру жұмысы бөлімінде меңгерушінің орынбасары және бөлім меңгерушісі қызметтерін атқарған. 2023-2024 жылдары Қазақстан Республикасы Үкіметі Аппараты Басшысының Бірінші орынбасары қызметін атқарған.

Инвестициялар комитетінің төрағасы болып тағайындалғанға дейін Қазақстан Республикасы Премьер-Министрінің кеңесшісі болған.

Райан Чилкотт - танымал журналист, модератор және жүргізуші

2023 DuPont сыйлығының иегері және Эмми сыйлығына үміткер.

Райан Чилкотттың жаһандық мәселелер мен экономика бойынша тәуелсіз комментатор, Bloomberg TV, CNN, CBS және PBS NewsHour арналарының халықаралық тілшісі және жүргізушісі ретінде 25 жылдан астам тәжірибесі бар. Ол халықаралық қаржы нарықтары, бизнес, экономика, сауда, өнеркәсіп, энергетика және табиғи ресурстар саласындағы сарапшы.

Райан Чилкотт Владимир Путиннен бастап БҰҰ-ның қазіргі Бас хатшысы Антониу Гутеррешке дейінгі түрлі әлемдік көшбасшылармен келіссөздер жүргізді.

Репортаждардан басқа, Райан Давостағы Дүниежүзілік экономикалық форум, Эр-Риядтағы Болашақ минералдар форумы және т.б. сияқты әлемдегі ең беделді конференциялардың модераторы болды.

Білімі: Gannon университеті, Science in Electrical Engineering бакалавр дәрежесіне ие, Pittsburgh университетінің жанындағы Katz бизнес мектебі, қаржы магистрі дәрежесі.

Жұмыс тәжірибесі:

Гохан Байхан GE Transportation компаниясына 1997 жылы қосылып, Эри қаласында әртүрлі лауазымдарда жұмыс істеді. 1998 - 2001 жылдар аралығында ол маркетинг менеджері болып жұмыс істеді, жаңа өнім шығару және локомотивті жаңарту бойынша халықаралық нарықтарға жауапты болды. 2001 жылы ол сервистік қызметтер мен бизнесті дамыту жөніндегі коммерциялық ұсыныс дайндауға жауапты қаржы менеджері лауазымына тағайындалып, қаржы бөлімшесіне ауысты. 2003 жылы Гохан жаңа локомотивтер мен модернизация бойынша коммерциялық мәмілелерге жауапты қаржы менеджері болып тағайындалды. 2004 жылдан бері ол стратегиялық маркетинг тобына ауысты және осы топта бірнеше лауазымды, соның ішінде стратегиялық баға орнату жөніндегі басшы лауазымын атқарды. 2007 жылғы тамыз айында ол Ресейдегі, ТМД және Оңтүстік-Шығыс Еуропа елдеріндегі аймақтық басшы болып тағайындалып, Түркия, Стамбулға көшті. 2009 жылғы желтоқсан айында ол Ресей, ТМД және Оңтүстік-Шығыс Еуропа бойынша бас директор болып тағайындалды, ал 2012 жылғы желтоқсанда оның қызмет аймағы кеңейіп, Еуропа мен Таяу Шығысты қамтыды. GE Transportation компаниясының Wabtec корпорациясын сатып алғаннан кейін 2019 жылғы ақпанда Гохан сол аймақты және Африканы басқара бастады. Оның қызметі – ТМД, Еуропа және Африка аймақтарының Аға Вице-Президенті.